Skip to content
Arkivju

Arkivju

Moviment tal-Fokolari

  • Home
  • Kelma tal-Ħajja
  • Spiritwalità
  • Dokumenti oħra
    • Kotba
    • Artikli ppubblikati
    • Intervisti Radju Marija
    • Media library
  • Kategoriji
    • Artikli ppubblikati
    • Intervisti Radju Marija
    • Kelma tal-Ħajja
    • Kotba
    • Media library
    • Spiritwalità
  • Kuntatt
  • Toggle search form

Kelma tal-Ħajja ta Jannar 2012

Posted on 01/01/201201/10/2026 By admin

“Jekk intom irxuxtajtu ma’ Kristu, fittxu l-ħwejjeġ tas-sema, fejn Kristu qiegħed fuq il-lemin t’Alla” (Kol. 3, 1).

Dan il-kliem miktub minn San Pawl lill-komunità ta’ Kolossi, jgħidilna li teżisti dinja li fiha ssaltan imħabba vera, ftehim sħiħ, ġustizzja, sliem, qdusija u ferħ. F’din id-dinja d-dnub u t-taħsir ma jistgħux jidħlu aktar; hi dinja li fiha r-rieda tal-Missier isseħħ dejjem b’mod sħiħ. Din hija d-dinja ta’ Ġesù. Hu, bil-Qawmien tiegħu mill-mewt, fetħilna beraħ din id-dinja wara li għadda mill-prova iebsa tal-passjoni.

“Jekk intom irxuxtajt

“Jekk intom irxuxtajtu ma’ Kristu, fittxu l-ħwejjeġ tas-sema, fejn Kristu qiegħed fuq il-lemin t’Alla.”

u ma’ Kristu, fittxu l-ħwejjeġ tas-sema, fejn Kristu qiegħed fuq il-lemin t’Alla”.

Aħna, jgħid San Pawl, mhux biss imsejħin biex inkunu ta’ din id-dinja ta’ Kristu, imma diġà nagħmlu parti minnha. Il-fidi tgħidilna li permezz tal-magħmudija aħna ninsabu fi Kristu u għalhekk nieħdu sehem mill-ħajja tiegħu, mid-doni, mill-wirt, mir-rebħa tiegħu fuq id-dnub u fuq is-setgħa tal-ħażen. Infatti aħna rxuxtajna miegħu.

Imma aħna m’aħniex ta’ din id-dinja ta’ Kristu b’mod sħiħ kif inhuma l-erwieħ qaddisa li diġà temmew il-vjaġġ tagħhom. Fuq kollox m’aħniex ta’ din id-dinja ta’ Kristu l-ħin kollu u għal dejjem. Diment liSa ma nibqgħu fuq din l-art aħna nibqgħu esposti għal ħafna perikli, diffikultajiet u tentazzjonijiet li jistgħu jġegħluna naħsbuha darbtejn, li jistgħu jwaqqfu l-mixja tagħna, jekk mhux ukoll idawruna lejn toroq oħra qarrieqa.

“Jekk intom irxuxtajtu ma’ Kristu, fittxu l-ħwejjeġ tas-sema, fejn Kristu qiegħed fuq il-lemin t’Alla.”

Għalhekk nistgħu nifhmu t-talba li San Pawl qiegħed jagħmlilhom: “Fittxu l-ħwejjeġ tas-sema”. Fittxu mhux li toħorġu materjalment minn din id-dinja, imma spiritwalment. Il-liġijiet u l-passjonijiet tad-dinja ħalluhom warajkom biex tħallu l-ħsibijiet u s-sentimenti ta’ Ġesù jmexxukom. Infatti “Il-ħwejjeġ tas-sema” jfissru l-liġijiet tas-sema, il-liġi tas-Saltna tas-smewwiet, li Ġesù ġab fuq din l-art u hu jrid li aħna nwettquhom sa minn issa stess.

“Jekk intom irxuxtajtu ma’ Kristu, fittxu l-ħwejjeġ tas-sema, fejn Kristu qiegħed fuq il-lemin t’Alla.”

Mela kif se ngħixu din il-Kelma tal-ħajja? Hi tħeġġiġna biex ma nikkuntentawx ruħna b’ħajja medjokri, ħajja mimlija kompromessi u affarijiet magħmula b’nofs qalb, imma biex bil-grazzja t’Alla, ngħixu ħajjitna skont il-liġi ta’ Kristu.

Din il-Kelma tħeġġiġna biex ngħixu u nimpenjaw ruħna billi nagħtu xhieda fl-ambjent tagħna għall-valuri li Ġesù ġabilna fuq din l-art: bħalma huma l-ispirtu ta’ ftehim u ta’ paċi, ta’ qadi lil ħutna, ta’ mogħdrija u maħfra, ta’ onestà, ġustizzja, xogħol magħmul sew, fedeltà, safa, rispett għall-ħajja, eċċ.

Kif nistgħu naraw, il-programm hu mimli daqskemm hi mimlija l-ħajja imma biex ma nibqgħux fis-sħab ejjew f’dan ix-xahar nobdu dik il-liġi ta’ Ġesù li tiġbor fiha l-liġijiet kollha: f’kull wieħed minn ħutna għandna naraw lil Kristu u naqduh. Mhux fuq dan ħa jkun l-aħħar eżami tagħna?

Chiara Lubich

2012, Kelma tal-Ħajja Tags:L-Iskrittura

Post navigation

Previous Post: Kelma tal-Ħajja ta’ April 2011
Next Post: Kelma tal-Ħajja ta’ Frar 2012

Riċerka libera

Ġabra tal-Kelma tal-Ħajja

2026 2025
2024 2023
2022 2021
2020 2019

Għal snin preċedenti, fittex taħt Kategoriji

Kategoriji

Agħżel id-data

Tags

Alla Missier (4) Alla Mħabba (3) Chiara Lubich (5) Chiara t'Assisi (1) djalogu tal-imħabba (1) Djarju (1) ekumenismu (3) ghaqda (1) Għaqda fost l-Insara (4) il-kariżma tal-unità (2) il-maħfra (2) Il-paċi (2) il-ħniena (1) ir-Rużarju Mqaddes (1) Knejjes Insara (4) Kristu Rxoxt (1) l-Ewkaristja (1) L-Iskrittura (206) ll-Ġimgħa Mqaddsa (1) Marija (2) mħabba lejn il-proxxmu (3) Papa Frangisku (1) rieda t'Alla (1) Saltna ta’ Alla (1) San Pawl (2) spiritwalità kollettiva (1) storja tal-Moviment (1) Ġesù fostna (2) Ġesù l-Imgħallem (1) Ġesù Rxoxt (2)

Kategoriji

Agħżel id-data

Żidiet riċenti

  • Kelma tal-Ħajja ta’ Novembru 2026 04/11/2026
  • Kelma tal-Ħajja ta’ Ottubru 2026 01/10/2026
  • Kelma tal-Ħajja ta’ Settembru 2026 01/09/2026
  • Kelma tal-Ħajja ta’ Awwissu 2026 01/08/2026

Copyright © 2026 Focolare Movement Malta | VO/1624 Fondazzjoni Dinja Magħquda – Moviment tal-Fokolari (Malta)